صوت الكسر .بقلم.وحيد على الجمال
نزيف قلمك على سطرك
بارود شايل في اوجاعك
رجوعك تاني للمشهد
عشان تجبر خاطر قلبك
دليل واضح مفهشي جدال
على تأجيل انفجار نفسك
لاخر دم في دراعك
ونمردتك ونرفذتك وعصيانك
علامة موت لاشباحك
وزيف الماضي اللي متألف
مهش كافي ولا شافي
عشان اولدني من تاني
وخرجني مابين شقي
اللي ف حيطاني
وبين كبوه لآخر صرخه
في حصاني
ومش لازم تجرجرني
وتغصبني عشان أقبل
كدا وضعي وأكون راضي
ولاحتى تراوضني
وتقبلني باشلائي
مانش هلبس قميص خوفك
ولا هبقى في يوم يوسف
عينادي فيك مابررشي
هزيمتي وحيرتي وسكوتي
وباخد نفسي واجمعني
واغيب الليل اسمعني
نشيد وطني يحمسني
عشان الهي جيوش الجوع
تقطعني ولا تضربشي مصراني
بتتحداني تغلبني تكتفني
وانا لوحدي في غرفة
صبر انعاشك
مانش قادر افوقني
كاني خلاص
ما عدشي فضلي من عمري
ساعات ملضومة في ثواني
نسيت إن السهر بالليل
بيلزم له سبع عفريت تسليني
وكام مجنون يكلمني يصحيني
ويقنعني بانشودة تراتيلي
عشان أقبل بتوقيعي
واكون نخاس في سوق
بيع دواوينك
انا المجبول على الاحزان
ومش قادر افرح نفسي
ولو مره
عشان عندي عمى ألوان
ونظارتي غلبت كتير اغيرها
لكن ديما بتكسفني واشوفني
فيها كام مرة على استحياء
لكن ملزم برغم الكدب أصدقها
عشان اضمن متقفلشي
جفون تفرض على نفسي
احتلال ذاتي بلا سجان
انا مطرود خارج نفسي
بألِمْ بواقي من حلمي
وبرقي كفوفي واحضني
واردد ايه الكرسي
ومش هسمحلها تشتي
في اجزائي ولا تبلل
دمعها تاني شرياني
وتجبرني اكون دوميه
تحركني
مع جملة عرايسها
وابيع قبل تصويرها
صكوك غفران ضمايرها
هلحدني وانا ميت
وهترحم على نفسي
ولقني مبادئ سر توحيدي
يااحزاني اللي مش قابله
تكون للنشر ياصوت الكسر
ياعمري اللي ضاع
ينخر جدار الأسر
يااوجاعي اللي ملهاش
حصر
ياوشي اللي مخطوف
منه علامة النصر
ياالف الف قصيدة
من دمي بدون عنوان
ومرميه في بواقي
الكسر
وحيد علي الجمال
التعليقات مغلقة.