صيام الكلام…شعر معاوية المهدي
فين الكلام السندسي اللميع؟
كل اللي فاضل م البيان مطفي
والشعر واقف في الخلا بيبيع
وبصاعته بارت والميزان مكفي !
فين الكلام العبقري المليان؟
فين البنفسج والريحان والعطر؟
والقطر ليه بيزك ع القضبان؟
والمعنى ليه بيزق حضن السطر؟
فين الكلام الألمعي المليان؟
أيام ما كان للشعر تاج من عطر
دا الحرف هايم والقلم حرنان
والشعر صايم، رغم عيد الفطر !
التعليقات مغلقة.