ضحكة بنص ضمير
بقلم شيماء عادل
ما تفرطوش ف دمع عيني
لو ثانيه يا حبايب
ساكت بداوي م الجراح
كل اللي راح
والعقل ليه غايب
سارح ف ملكوت الإله
رافض يكونلي اي جاه
بعد الفراق
رافض اكون للجميع
ضحكة بنص ضمير
شايف رطوش الحياة
متبعتره
صبح الكلام مسخره
قلبي اللي عافر ويا نجم الليل
أصبح اصيل
الكل سابه ف محنته
مجروح عليل
لملم بواقيه من سكات
ما يغركوش
الوقفه دي كانت حداد
على كل من زاد ف القسا
وما تسألوش
ضل الحبايب كان مخالف للقانون
همس العيون
رافض كتابات الغرام
قال ايه حرام
طب مين ينور عتمتي
وقت اما تطلع شمس مليانه بغيوم
طب مين يزين السما
وقت اما تتخنق النجوم
يا قلب مخلوق للهموم
ارفع عيونك للسما
ادعي بقلبك ربنا
وفي لحظه كل شي يهون
التعليقات مغلقة.