ضحكتك بتضمني…شعر فتحي نجم
ضحكتك بتضمني
وتخدني من روحي وذاتي
وتلفلف بيّ ف ملكوتك
وبتحضن كل وشوش الطيبة
وتزود أشواقي
وبتحليلي حياتي
وتمعشقني
ف نبرت صوتك
وتخليني أتوة ف سكوتك
ضحكتك بتلمني
من بين شقوق الشراقي
وتجمع أشلائي
صفحة بيضا برتاح في ضلها
وقت التلاقي
منقوش عليها حبات ندي
وحكاية عمري كلها
اللي راحت واللي باقي
ضحكتك
بتعلمني أحب الحياة
وارفض التكشيرة
بسمتك
إشارة مرور
للروح بلا تأشيرة
يلا قومي وطبطبي
ع المشاعر
صحي جوايا
حكاية كل شاعر
يكتب ويتمني لحظة لقي
خلي سير الخطي
يتقابل في الشعائر
بقلم/فتحى نجم
أغسـطـس2021
التعليقات مغلقة.