ضفاير نور
بقلم رمضان عبد الحميد زيدان
ضفاير نور
النخل وطَّى عشان يبوس الأرض
كل اللي فوقها كان ركوعه فرض
طبع الشموخ في النخل دا السايد
بس الولاء من قلبه كان زايد
والتقوى طبع وروحه ولهانه
ولَّاها شطره حيثما ولَّى
الكعبه هيَّ في حِجْرها صلى
شر الكلام لو عنها ما دلّ
خير الكلام لو قاله في عنيها
ع الجبهه كان كبش الفدا ليها
أركانه خمسه العشق أولها
شاف رؤيا فيها قام وأوَّلها
أولها ناس اتمرّغوا فـ خيرها
في الشده راحوا يسندوا غيرها
زينة البنات فكّت ضفايرها
كل الديابه اتجمعوا وجوها
كل الغلابه اتلموا حاوطوها
نجحوا الغلابه ف إن يحموها
لسَّاته عاشق أرضها السمره
صوفي ورابط عمته الخضره
صادره الأوامر يبقا في الحضره
وأوامره كات بالوحي من نفسه
مهما اللي فيها يحنوا أو يقسوا
لسه الشعاع بينور السكه
ولو الأمل راكنينه ع الدكه
والكوره خارجه برّا ملعبها
واللعبه صعبه ع اللي يلعبها
فاثبت كفاءتك لو يجيك الدور
هاجم ودافع واحمي مرماها
لسَّاك كنخل وهيَّ لسَّاها
شمس وبتبعتلك
ضفاير نور
التعليقات مغلقة.