ضى الشمس… اشرف الشناوى

ضى الشمس… اشرف الشناوى

……………..ضى الشمس……..

اول حاجه
هزتنى بصحيح
لما قالوا
ان انتى موتى
قلبى دق
ومات فى حضنى
شوفت دنيا
بتنطفى فيها الشموع
قلبى حس ساعتها
وبطعم الدموع
كنت خايف
كنت حاسس
بالقلق
لما قالوا
حد ياخد منكم
بس الحلق
قلبى حس ساعتها
وبطعم الغرق
اول حاجه
هزتنى بصحيح
لما شوفت عينيها
من غير اى نور
لما شوفت البسمه
غايبه م الحضور
لما شوفت ايديها بارده
قلبى حس بالفتور
زى عصفور فى الشتا
كان بيحلم يلقى سور
يلقى حضن ملان دفا
كل دا فى لحظه أختفى
اول حاجه
هزتنى بصحيح
لما قلب يكون وطن
وانت منه بتتنفى
قلب عاشق
للوفا
قلب كان قد البراح
فرحته قد اللى راح
قلب عاش
وسط الوجع
كل شبر وفيه سماح
اول حاجه
هزتنى بصحيح
ان ضى الشمس
راح
لما قالوا
ان انتى موتى
كل شئ اصبح
مباح
الهزيمه
والوجع
حتى الجراح ……………………

اشرف الشناوى
شاعر عاميه
البرامون
المنصوره