“ضـي فــ وريـدي”
شعر سيدة القصاص
ألمس القرآن… بإيدى
ألقى قلبى … نجم.. نوّر
اقرا وِردى… وذكر سيدى
أحمد الله فى قلبى واشكر
طعمه جوه …النفس سكر
يصفى قلبى… لو معكر
أتلو قلبى يقولى زيدى
كل آية شعاع بيضوى
يخترق نبضى ويروى
يشعل الضى ف وريدى
فى الملأ الأعلى قولى
له صدى يعلن قبولى
تحت عرش الله رسولى
بالقرآن ياخد بإيدى
روح حروفه شَفَّة.. قلبى
يوم فراقها …هو موتى
لو فى جهرى أو سكوتى
عطر مِسْكه طاف خدودي
يا معانى الذكر هبّى
نور صداكى ف روحى صبّى
فـ نبض قلبى كونى عيدى
تسمَى روحى بالشهادة
تصفى لله العبادة
تغمر الشيطان إبادة
والملايكة تطوف بجيدى
رحلة نورانية …هايلة
تعدل لينا كل مايلة
والنفوس لو تبقى آيلة
للسقوط .. يعدلها سيدى
يا سما نفسى …أمانة
إياك… تغرك مكانة
زيدى بالقرآن… متانة
اوعى بالعصيان تميدى
طيرى حومي…بدون جناح
حلقى ف جوف… البراح
اسبحى فى…. يم الفلاح
رددى فــ صفوه….نشيدى.
.
.
.
التعليقات مغلقة.