طاخ طوخ …بقلم وحيد الجمال

خلاص والله مش قادر
مرارتي منك اتفقعت
ولو تحلف عشان خاطري
انا خاطرك كسر خاطري
وضاعت كل احلامي ورجعت
فيكي وانتحرت
ماعنديش روح بقى تناهد
ولاتزعق ولا تهدد
ولا ترجع وتتخانق
صوابعي العشرة دستهم
في شق القهر والاحزان
ومقطوعه مشاعر عمر ايامي
ومربوطة على شعرة
حنان الحب والعشرة كلام فاضي
ولا بينفع كدا ببصلة
خلاص مليت انا خناقك
وهضرب راسي ميت جزمة
وهكسرها ف حجر صوان
غلا الاسعار مهش سايب
ولا واحد كدا في حاله
وبوز الشعب زاد حتي
بقى شبرين
ودين بيسلم التاني
وقبض الشهر مايكمل
كدا ساعتين
هسد لمين وأجل مين
ومين يصبر على التاني
مافيش قفه لها وددنين
ولا المليان بقى يفضي
على الفاضي
وعيني رفه ميت رفه
حاسس نفسي ماشي
في زفه
ودوشه فيها بطوح
كما الدرويش
ودمع العين سكن جفني
بفتح بيها بالعافيه
منش شايف سوي سطرين
كاني في ضلمة معصوبه
على كفوفي لها وشين
بنام واصحي
بكلم نفسي م الأزمة
منش عارف فلوس
اللبس والتعليم
اجبها منين
وكام مصروف لكام
واحد هيتاخد مع فطارة
عشان يبدأ بقى يومه وبالضالين
ودي تبدأ بقى يومها ومن بدري
مع كلمة صباح الخير
بدل ماتقولي وطبطب
على كتفي وتدعيلي يعينك
ربنا بفضله و يرزقنا جموع الخير
اللي يكفينا
موبايلك ليه بقى مقفول
وشيفاك لسه بكلم كدا بنتين
وكنت بتقرا وبتضحك منش عارفه
بتضحك ليه ومين مشغول تردلها
على الصفحه تحيتها بترسم
قلب إعجابها كدا قلبين
ومين عاوزه تأخذ رايك
وتوصفلك لها نصيين
ومين ع الخاص بتبعتلك
صباح الخير وليه هما وليه هن
ومين ع الوضع يستني
ويصبر يدخل الجنه على حالتك
سوى المجانين
ياإما تسيب بقى موبايلك كدا مفتوح
ياما الغم هيقبلك منين ماطروح
معايا اثنين كدا اوبشن
سيبك م الشعر وسنينه وعيش
درويش
د سنك حتي يادوبك بقى خمسين
وعمر العمر اللي راح منك
مهش قد اللي جاي تاني
فيبقى الموت إذا جالك تكون
واحد من الصالحين
ياما تسيب بقى موبايلك كدا مفتوح
أراقب كل أفعالك منين ماتروح
حياتي كل صارت مابين الهجر
وخصامك وحبي وشوقي
في وصالك كدا طاخ طوخ