طربوش..بقلم.. وحيد على الجمال
أوقات بدارى في نفسي
من عجزي وقلة حيلتي
مش عاوز حتى اشوفني
وانا شايف اهلي في غزة
جبروت الموت الفاشي
عمال يحصد أرواحهم
والعالم واقف خايف
بيدين الفعل الغاشم
يهتف ضد المظلوم
بعروق الدم البارد
خد حقك بقى ياشارون
اضرب يايهوذا برحتك
ولا عربي هيقدر ينطق
ولا ثاني يقل في راحتك
اذبح فيهم وبرحمة
مش عاوز فيهم زحمة
اقتل فيهم بشويش
وأبكي على قتل الجيش
واعملي مناحه كبيرة
خليها في كل افيش
اطيب منك ملاقيش
اطفال وشيوخ ونساء
ماتوا بإيد السفاح
وبيحصد في الأرواح
وكأنه شجر تفاح
انجاس الأرض في لحظه
زرعوا أشجار الرحمة
صرخوا من كام خربوش
والعربي واقف طربوش
مش قادر حتي يحوش
أو ينطق حتى بكلمة
مهما الكلمة تكلفني
الموت مش هيخوفني
ولا هكتب اي كلام
مابقاش فيه طاقه وجهد
ابني احلامي في برج
وارجع وبكل سهوله
تمحيه من فوق الارض
وابهلن بهلوانات
واعمل من دمي مغات
واتحنجل جوه السيرك
بلياتشو بيضحك مر
وانا حالي ماعدشي يسر
بتعدّي علينا حاجات
نتعمد منشوفهاش،
وتروح وفي ثانيه بلاش
والسنه بتصبح فرض
لو جبنا لي عمرنا عمر
والوقت عليه 100وقت
دي حاجات مابتتعوضش
خد فيها قرار ماتخفش
الموت لو طال العمر
هنشوفه ولو بالأمر
فيه منا خلوده عظيم
والتاني يروح في الذر
وحيد علي الجمال
التعليقات مغلقة.