طوق النجاه بقلم / أشرف الشناوي
الضحك
بيطرى القلب
ويندى الوشوش
ويبدل ملامحك
م العبس
تصبح بشوش
تلقى حزنك
جوا منك
راح فاشوش
دا الوجع
يرمى الجدع
وسط الوحوش
والاهات
زى العرق
فيها الورق
لزما يبوش
بالامل هتعيش
اكيد
بكره جايلك
فوق كفوفه
الف عيد
اوعى يوم تخسر
ملامحك
مهما كان وجعك
وجرحك
واللى باعك
وقت شده
قوله روح الله
يسامحك
خلى قلبك
زى غيط الفلاحين
ترمى فيه
بذر الامانى
تطرح الأرض
باغانى
تلقى دايما فيه
طحين
اوعى يوم
تاخدك دموعك
مهما كان الجرح
فيك
او تسيب
نفسك لحزنك
فيرازيك
او يكسر فيك
ويرمى
او يبيعك
ويشتريك
دوس وعدى
المستحيل
خلى حزنك جوا
منك
شئ جميل
عدى دايما
بابتسامتك
هى دى طوق
النجاه
وافتح الشباك
لشمسك
يحضن القلب
الحياه
كل مر اكيد
بيمر
مهما كان الليل
عنيد
هتلاقيلك
حلم فاضل
وسط افواج
العبيد
دى الحياه
من غير امانى
قطر مصنوع
م الحديد
خلى دايما
فى ابتسامتك
شئ جديد
عيش حياتك
وبساطه
ضحك حبه
وحزن حبه
بالمحبه تلقى كل
المر عدى
والأمل جاى
من بعيد ……………..
التعليقات مغلقة.