عادي جدا ايوا عادي
هيثم سعيد
عادي جدا ايوا عادي
لا انت اول حد لعب الحب بيه
ولا انتا هتكون الاخير
عادي يعني
دي الخيانة مابين عيونهم
خط سير
عادي يعني تكون مسالم
تبات تضحي بكل شئ
تصحى مكوي بالهزايم
تطوي لعيونهم سكك
وقلبك المسكين كفن
شايله غصب مابين ايديك
وترد مجروح المعالم
عادي يعني ايوا عادي
رُش جرحك بالكولونيا
وارضي نفسك تبقى راضي
بالهداوة هتبقي هادي
دا اللي م الشوربة اتلسع
بكرة ينفخ في الزبادي
يعني عادي
كنت راكب خط شبرا
ليه ياولدي قوام لقيتك
جاي تبكي م المعادي
…
التعليقات مغلقة.