عاش غيابك…بقلم مسعد البحراوي
كانت بسيطه بتقرا أفكاري
تلضم حروف الزمن علشان
تعلمني
وفهمتني ان الحنان كاري
وبحرف عطف العطف حزمني
ياتراب أخدت الجنه من داري
وصبحت انا بلا جنه تحضنني
طعم الفراق حراق قَطَّعْ في أوتاري
غَيّـرْ ملامح شكلي والنني
من غيرها انا اللي الزمن.حملني أسفاري
وضلع بيا اتسند أُغرم يجنني
وسنين بتلحم أيلولي بأَيَّاري
لحد عُقد الغزل داب وانفرط مني
لملمت باقي الهوى على كف خمار ِ
من بعد فقد الأمل في خَـدْ يِسطِلْني
بَعّْدِك لاصالح غرام الدنيا أشعاري
وحاولت أكتب غزل فأصر يحرمني
من حرفك اللي وجد عزمي وإصراري
وكان بيبعد أنين الصمت ده عني
ياشمس أمسي اللي نفسي تهل في نهاري
أهو عاش غيابك صنم جوايا بيغني
ج.م.ق
عشق لن يأتي بعده عشق
مسعد البحراوي
التعليقات مغلقة.