عافري بـ قلم أسـمـاء الـبـيـطـار
يا محنة عدي و متسوقيش فيها
القلب فاض وجع
و أنت متبته فينا
صحيح ياما دقت على الراس طبول
لكن أنا راسي خلاص
من كُتر الدق ما بقاش فيها حتة سليمة
و القلب خلاص بقى ورق و خُف الريشة
من كُتر اللي فيه بقت حالته عجيبة
و بقى يبكي لما العين جفت الدموع فيها
و الصمت حِمل و زاد
لما الفضفضة بقت عبئ علينا
و النفس ما بقت تتحمل نظرة شفقة أو كلمة تبكيها
و من بعد اللي راحوا و كانوا سند لينا
الروح من كتر الوجع بتصعد للسما
متشعلقه
فـ حبال الدعا و متمسكه بيها
و سانده عليها اللي باقي من عُمري
و بقول يا بت أهو كله بيعدي
و زودي حبل للصبر و شديه على اللي باقي في روحك و من عُمرك .
عااااافري
و أوعي تخلي محنة من المحن تنتصر على اللي باقي فيكِ .
التعليقات مغلقة.