عالم مسروق.بقلم.مسعد البحراوي
إبليس كَوٌّن جيش من شياطين
والبني ادمين بقوا أتباعهم
عن نفسي بقيت معرفش انا مين
طول عمري وعايش بسمعهم
عاوزِنِّي أحس إني بتاعهم
بهرب من وطني لأوطانهم
وارجع اتغزل بجمالهم
عن شواطئهم وله رمالهم
طبعاً مالهم
مالهم كلمته سحرها فتاك
من غيره تعيش في عذاب وهلاك
لولاه لاتصلي ولا تسبح
عالم مجانين ولحد الحين
مش عارف احب وأكره مين
يابا خالد قول للحج حسين
إن المجانين عايشين في نعيم
الله يهديهم أهل الزور
النور مقطوع يابا في قلوبهم
زرعوا البنور في الأرض البور
علشان يقطع للناس توبهم
إيه هينوبهم ؟!
غير متر×متر
ياجناب المتر ارفع شكوى
ضد القاضي
اللي حكم على دعوة نجوى
تموت ع الفاضي
واذا كان الحُكم هينطق عدل
بياع الفجل إهدوله نيشان
وازرعوا أشجار أولاد وبنات
وافتحوا للواد شحات دكان
وابنوا العمارات لولاد بركات
الخال رمضان صلوا بُ حاضر
والعم آمين ولوه الناظر
والحجه احسان بنت ام سماح
خلوها جناح أستاذ شاطر
يابراح الأرض اسمع مني
لا جنانك ده هيجنني
ولا أصلا ينفع أتجنن
كل الصلوات بتحوش عني
ج.م.ق
مسعد البحراوي
التعليقات مغلقة.