“عاملة ايه” شعر وائل هيبة
عاملة إيه ؟
طب كان سؤالك قبل ولا بعد كلمة
عاملة ايه؟
قبل مسمع نبض حرفك
كنت بين لو كان وليه
بعد صوتك
كل شئ حوالين عنيا
فرحت بيه
كل شئ لامس شعاع نظرة عنيك
أصبح جميل
كل حاجة بلمسه حلوة من ايديك
جابت شعاع الشمس نُوْرْ بيضمها
من ألف ميل
والفرح جاب الفجر نَوّر في السما
والدنيا ليل
طب عارف انت
أيوة انت
روح بتسرق مني روحي
بتمشي بيها في كل حتة
بدون سؤال
سَلّمت لهواك هواها
وكل شئ بقى بين ايديها
وكان محال
حتى اللي في الأحلام معاك
أصبح حقيقة
وكان خيال
مبقاش خلاص شئ في الحياة
صعب المنال
وأكيد بتعرف من ملامح فرح قلبي
لما أشوفك
عاملة إيه
واكيد بتعرف من ملامح فرح قلبي..
انا عامله ايه..
الله الله روعة الإحساس والكلمات
ابدااااع