عام جديد ٢٠٢٢م …شعر غنائي گلمات أشرف يوسف
إتنين وعشرين دي السنه
و يناير الشهر الجديد
مبروك علينا گلنا
مليون وألف نهار سعيد
ألفين و فوقهم يا زمان
إتنين و عشرين سَوْسَنَه
علشان بنحسب بالورود
و الورده نحسبها بسنه
شبابيك هوانا تِنْفِتِح
وَيَّا الأمل مع گل باب
و السعد يِجْمَع شَمْلِنَا
ما نشوفش ولا لَحْظِةْ عذاب
و إيدينا في إيدينا سوي
نفرح و يِجْمَعْنا الهوي
و اللي انْجَرَح بِيِنَّا أگيد
وَيَّانَا حيلاقي الدوي
و الشمس تِطْلَع بالنهار
تِمْلَا القلوب حُبّ و دَفا
و يجينا بالليل القمر
نسهر و يِجْمَعْنَا الْوَفَا
و نغني تاني من جديد
أهلا يا ألف نهار سعيد
وَدَّعْنَا عام و اهو جانا عام
أيامنا فيه راح تبقي عيد
أيامنا في راح تبقي عيد
الأحد بتاريخ ٢٠٢٢/١/٢م
بقلم الشاعر : أشرف يوسف
من ديوان : شاعر ومشاعر
التعليقات مغلقة.