عام_نول
بقلم أحمد زيدان
علي كيفك
وكيفك فيا تتشافي
و تتعافى ، على جرحي
تتمادي
و تتدلع علي كيفك
انا راضي ، من الاول
و عامنول انا مبسوط
و تحت التوت
بشوفك ضل ، ما يضلش
ف علي كيفك
تبيع فيا
وانا شاري
حقيقي عجزت عن وصفك
ومن عطفك
مشفتش غير غرام طاير
وانا حاير
مابين روحي اللي بتحبك
وبين غدر الوعود منك
انا موافق
اهين نفسي
ف على كيفك
و على راحتك
انا باقي بدون حسابات
و لل معلوم و في المضمون
بلاش تزعل و تتضايق
انا هزيت سنيني معاك
سردت الشعر من يأسي
ومن نفسي
رميتك بيت
في قلب قصيده مرميه
و منسيه ليالي الشوق
ف بص لفوق
قصاد عيني
تملي حقيقه تخفيها
و تعفيها من الجايز
منيش عايز
لانا طايق حياتي معاك
ولا قادر اقول مليت
ولا حليت في يوم منك
ولا بقدر اقول حنيت
معادله حقيقي تتدرس
انا عاجز
أحمدزيدانالبلياتشو
التعليقات مغلقة.