عايزه ايه بقلم : وحيدعلى الجمال
عايزه ايه
يا حلوه قولي
عايزه حب
يكون مقاسي
نفس حجمي
ونفس طولي
فيه ملامح
من ملامحي
نفس حالتي
شكله شكلي
طابعه طابعي
يبقى ابسط
م البساطه
حضنه يشبه
حضن امي
ف الطيابه
شكل ابويا
لما اشوفه
قلبي يجري
اصله باستمرار
وحشني
إن لمحة بيعكسني
وينغشني
وابتسامته
بتحويطني
جوه نن العين
وخدني
عوزه كل
شويه ابوسه
وان ضيقته
في يوم بغيرتي
يبقي مستحمل جنوني
كل ماازعل بيصلحني
وان جرحته غصب عني
عارفه أنه هيسمحني
استحاله يوم يعدي
إلا وينادي حبيبتي
أنت بالنسبالي نعمه
شكرها شئ مش بإيدي
عمري كله لو يكفي
هوه مني كله ليكي
قولي تاني عوزه ايه
عايزه صاحب
يبقي ظهري
أن وقعت يكون
ضممني
اشكي همي ويعتبني
لوقسوة
الدنيا مالت
إيده ديما سنده كتفي
لو لقاني في يوم
في شده
الوجع منه بيجري
هوه من نظره فاهمني
روحي مسنوده عليه
قولي تاني عايزه ايه؟
أحلمي… أي
حلم هتلاقيه
عايزه تأشيرة لي بكره
فجر راسم الف فكره
للحياه من غير دموع
عايزه شارع كله خير
السماحه فيه دليل
فيه بشاشه الف ميل
بين وشوش الطيبين
تلقى كل الناس
بتدعي أن رزقك
يبقي نيه يحفظك
في المخلصين
حُبهم هوه الأمان
حتي لو َغدر الزمان
عايزه دين بره المساجد
بالمعاملة تبقي ساجد
كل لفظه فيها عابد
للي سوي الكون
وخلقك
تبقي راضي
بالنصيب
تحمد المولي
في سماه
أن سترك رغم
تقصيرك معاه
وان ليقت شيبسي
ونايتي هاتلي كرتونه
في ايديك
عايزه كل ده ياعمي
وإن ٍفضٍل.م الفكه باقي
هاتي قلبظ
شطه نار
وإن لقيت مصاصه
حمره هاتلي نداغه وليبان
التعليقات مغلقة.