عايز يتجوز ببلاش بقلم الشاعر جمال زكي عينر
رايح جى زى القشاش
حتى اللقمه ما بيجيبهاش
عايز يتجوز ويهيص
أى جوازه تكون ببلاش
عايز ست تكون للبيت
مضمونه من الحيط للحيط
وكمان له طلبات وشروط
عايز إبرة معاها الخيط
شحات بس بياكل فينو
عامل فيها آل ايه فلانتينو
مهما يعيش فى الدور ويمثل
الناس فاهمينو وعارفينو
عايش فوضى ماعندوش خطه
ومقضيها بكش واوانطه
يعدى الليل ويعدى نهاره
بيلعب لعبة حطه يا بطه
الاشكال دى فى منها كتير
حوالينا من غير تفسير
واما تواجهه بإنك فاهمه
يقوللك خلي السر ف بير
بقلمي الشاعر جمال زكي عينر 
التعليقات مغلقة.