عايشة جوايا
أحمد شعبان
قصيدة بعنوان (عايشه جوايا)
الشاعر أحمد محمد شعبان .. من مصر
جراحك فيه سكينه وبتقطع
تقولي الآه بتدبح عيني بتدمع
ملامحك صورة مجروحه وبهتانه
ملامح خوف بتصرخ قلبي يتوجع
وتصرخ فيه أحزاني وتدبحني
وضهري من حمول الشوق صبح محني
بحبك ياللي شلتيني في أحزاني
عزفت الآه على عودي صرخ لحني
بلملم م الحنين أشواق وبدفنها
وإيدي مليها رعشة خوف تكفنها
عنيه إزاي هريحها بنور وشك
يا أغلى ملاك ملك قلبي وصار منها
مشيتي خلاص وسيبتيني لأحزاني
وضمك ليه في الأوجاع هينساني
هعيش الذكرى والماضي وهفتكرك
هعيش الوهم يمكن أشوفها من تاني
التعليقات مغلقة.