عبايته السوده …بقلم خون أنوب الجديد معوض حلمي منشأة بطاش … تمي الأمديد … دقهلية
عبايته السوده …بقلم خون أنوب الجديد معوض حلمي منشأة بطاش … تمي الأمديد … دقهلية
التوت دبلان عـلى عـوده باين مجـروح
عطشان للنور وغصونه مش قادره تبوح
زيك بالظبط ياغلبان ، حي ومانتاش عايش
عمــرك بايــش ، بتــنادي بواقـي الــروح
ضحكك بيداري النوح ، ودمـوع مفروضه
أحلامك سلعـه ومعـروضه ، والحلم أفيش
وإيديك للبايـع ممـدوده ، لكـن مارضيش
الرحله مابينها وبيـنك ، محــتاجه جـناح
العـرض متاح ، وجـناحك منتوف الريش
هاتروح على فين من غير ماتشاور أحزانك
كـل ماتفـتـحها بيـبانك ، هتــلاقي ديـابـه
في السكه مطب كآبه بيقابلك فين ماتخطي
الحلم بيـعدي سـحابه ، وبسـرعه يخـطي
وانت وأوهامك والحيره في زمان مقلوب
مرعوب من بكره لايحني ف راسك وتوطي
وعينين الروح الحيرانه ف سردايب الجور
مـش لاقـيه خيوط النـور ولا لاقيه دليل
حواديت الخوف بالليل تشبه للبنت الموءوده
المـطر النازل سـيل بيخوف سقف الأوضه
والريح اللي بيرعب ف الشبابيك طاير رهوان
والليل سجان بيلف المخاليق في عبايته السوده
التعليقات مغلقة.