عبر عن نفسك .بقلم.فتحى موسى عيسى
عبر عن نفسك
قول اى كلام
يطلع مواويل
يطلع حواديت
لو حتى كلامك يطلع شعر بلا اوزان
خليك واعى
اوعى تسيب روحك
لليأس
للإحباط، للنسيان
يغرق قلبك فى الأحزان
تصبح ذكرى
فى خبر كان
كمل مشوارك
لو حتى بعيد
هتلاقى الحلم اللى حلمته،
وزارك
ليل ويا نهار
دوار
فى مدارك
من أحبابك مع سُمارك
الليل هيعدى وهيفوت
والخوف اللى ف قلبك هيموت
وعليك فى الضلمه انت تهَدى
لجل بسلامه منها تعدى
الصبح ببهاءه و نوره
بيصبح ع الدنيا وبسروره
يزيح فى طريقه الشبوره
ويداعب نسمه مغموره
ما هو كده بيعبر
عن نفسه
الكل بيعبر عن نفسه
بكلامه، بشعوره، بحسه
بالنظره،
بطريقة لبسه
هنا حُط رحالك
يا اخينا
مهما هتلف
هنا المينا
اطوى شراعك علشان ترسي
واياك من رحلك يوم تأسي
حقق حلمك اياگ تنسي
لكن انت اكيد لازم تسعى
الدنيا جميله
وكمان واسعه
اسعى
اسعى
لازم تسعى
ومهما هتلف إوعاك تنسي
مصر بلدنا هى المرسي
التعليقات مغلقة.