عبيط
سيدة القصاص
………………………
عبيـط … قلبي
ساعات مطيور
ساعات مجنون
ساعات بيصـدق
الخاينين
لكن ما يخون
ساعاااااات يرقـُص
ساعات يرفُـس
ويتنطط من الفرحة
وساعات محـزون
ومهما العمر بيعدي
طفولته تزيد
ويتشعبط… ف
قشَّايا
يمد الإيد
بمليـون… لون
ينادي. .. الحب
يتمرجح
في أنـاتـه
ويشـرب شهـد
عذابـاته
ما يكره يـوم
دا حتـي بيعشـق
الكارهين
وعنده ( بيسين)
من الأشـواق
عليه بيعوم
وف ضلوعي…
( مصاطب ) نور
( وتكاية)
لأي ظنون
..وقـلـبي
سنبـلات خضـرا
ف إيد الحـور
ضلوعي مش
مكفيّــة
طموحـاته
يدُق يدُق ويسرَّع
يبِـات مكسـور
قـُليـب عفريـت
بيتـشاقي
وأنـا سيبـاه طب
اعـمـل أيـه؟؟
بيصعب قلبي علي
روحي عشان
مسكين
حزين محروم
خلاص يااا قلبي
بكفاية…
ما تـستـرجـل !!!
جرالك ايه؟؟؟
خـلاص ملِّيت من
اللعبة
فطامك آن.
.
التعليقات مغلقة.