عجبي ياعجبي …كلمات مسعد البحراوي
أنا نفسي ارجع ألعب كوره
واتنطط ع الحيط زي زمان
أنا كنت زمان كيف عصفوره
وبطير وماليش أبداً عنوان
عطشان يازمان لزمان جداً
ايه خلى الدنيا دي تتمدن
وتغير في الناس والمعدن
والحلم مايلقاش سبوره
مكسور الحلم بدون برواز
حدفتنا الدنيا ف كون ألغاز
اسئله مطروحه بنبره نشاز
تتعبنا وبتكون مسروره
عجبي ياعجبي
واد يا مراكبي
أنا ليه مراكبي
سلبوها ماسابوا ولو مجداف
غارسين الهلب ف أرض عجاف
وخريطه عبيطه بدون أوصاف
والموجه عنيده ومغروره
قوي مغروره
أنا عشت زمان فعلا إنسان
قبل اما زمان مبقاش يازمان
أملي انا مستني لحد الآن
إني ارجع ألعب بالكوره
كلمات مسعد البحراوي
التعليقات مغلقة.