عروسة النيل ” يا بخته خد ست البنات “بقلم سامح لطف الله
طول عمره نيل طماع قوي
ما يفضش بالخير من سكات
باين عليه واد فهلوي
عايز عروسته في التبات
لو كنت عايز جرن قمحك بتملي
هتدوس على القلب اللي مات
وتنقي أحلى عروسة ليه
يا بخته خد ست البنات
حاوطوك يا نيل بالصخر
سدوا ميتك
ويحدوا من حربتك
ولا قيد يوقف ميتك
هتفيض بخيرك ع الربوع
تبعت حياتنا سيول دموع
علشان شايلنا ف مهجتك
جهزنا أحلى عروسة ليك
ما تمد ايدك ضمها
يا عيدانه قمحي هضمها
وهنكيد عدانا بالقوي
التعليقات مغلقة.