عروسه يارب شعر فكاهي بقلم الشاعر أشرف يوسف من ديوان إضحك كركر
عروسه يارب من عندك
تگون دره و لسانها طويل
و گل ما حد يضايقها
يروح واقع فى إيدها
قتيل
تلم الحاره و الجاره
بصوت واحد و ته‍بله‍م
و ترزع گل يوم فيهم
و لو شتموا تبه‍دله‍م
و لو قابلت فى يوم
توك توك
يخاف منها يروح مقلوب
و لو سألوني اقول يمگن
قدر جايز و گان مگتوب
وگل ما حد يجي يفوت
تروح رزعاه متين شلوت
ولو مش عاجبه بعنيها
تبرء له فى لحظه يموت
عروسه من بلد تانيه
تجيبك لو فى ألمانيا
تقول عالگوسه بقدونس
و تعصر عالفسيخ باميه
يقولوا سمارها رباني
بشعر طويل و أسباني
و لما تقوللي إيه رأيك؟
أقول من خوفي عجباني
و لو قالوا قدمها احفر
أقول بگفايه لونه‍ا اصفر
دعيت و الدعوه مقبوله
واديني وقعت و بفرفر
يا ناس الضحك بقى غالي
ما عدش رخيص و مجاني
ه‍موم الدنيا خليتنا
نحس بغربه و نعاني
دى فرصه و جت عشان
نضحك
بصوتنا العالي و نگرگر
سيبونا م النگد حبه
بلاش فى اليأس دا نفگر
قولولي رأيگوا فيه‍ا
ساعتها الگل راح يشگر
أخدها و لا اشوف غيره‍ا
واقول أفعالها شئ منگر؟
و ه‍يا البصه فى عنيها
تخلي العقل راح يسگر
تخلي العقل
راح يسگر
الجمعه بتاريخ ٢٠٢١/١١/٢٦م
التعليقات مغلقة.