تجليات العامية… على باب مصر
عروس البحر
تقديم سيدة القصاص
الإسكندرية
“الإسكندرية “مدينة لا تشبه غيرها من المدن، فلا توجد مدينة أخرى اجتمع لها ما كان للإسكندرية من موقع فريد وتاريخ طويل وحضارات أمم متنوعة عاشتها الإسكندرية،
وتعايشت معها وتأثرت بها وأثرت فيها، فهي الإسكندرية الهلينستية والبطلمية والرومانية، وهي أيضا الإسكندرية بعد دخول الإسلام إليها، وما زالت تحمل تحت ثوب الإسكندرية الحديث والمعاصر كل عناصر الماضي وأصالته”
من منا لا توجد لديه ذكرى جميلة في الإسكندرية؟؟
فهي المدينة التي يشد جزء كبير من المصريين الرحال إليها
طمعًا في لحظة سكون وجلسة صافيه على البحر، تمشية على الكورنيش مع آيس كريم منعش في الصيف،
ومشروب ساخن في الشتاء.. حب الإسكندرية تقليد متوارث مهما اختلفت الظروف.
تغنى بها كثير من الشعراء.
قال عنها شاعر العامية الراحل
أحمد فؤاد نجم :
إسكندرية تاني
و آه م العشق ياني
والرمل الزعفراني
ع الشط الكهرماني
والسحر اللى احتويته
والبحر اللى احتواني
والبحر أبو ألف موجة
والموجة بألف حالة
وأنا المغرم صبابة
بإسكندرية يابا
وفكرة كونى انسى
في حكم الاستحالة…..
وقالا عنها “الأخوان رحباني”
شط اسكندرية
يا شط الهوى
رحنا اسكندرية
رمانا الهوة
يا دنيا هنية
وليالي رضية
أحملها ف عينية
وشط اسكندرية….
وقال عنها الراحل
مرسي جميل عزيز..:
يا أحلي شمس
وأحلي رمل وأحلي ميه
إحنا وشبابنا
وحبنا يا اسكندرية
جايين علي نسمة
أمل نرتاح شويه
والحر زي الشوق
نهاره وليله قاسي
دقـوا الشماسي..
وآخرون كتبوا وتغنوا بها فهي حبيبة المصريين
وغيرهم من السائحين من شتى بقاع الأرض.
وقد قلت أنا عنها :
سيدة القصاص.
قلبي وحنينه
خد قرار
إنك تكوني
ليه مدار
ياساحرة كل
المشتاقين
يا عطر فاح
ف العطارين
(والمُرْسِي)
حارس قِمتك
يا واخده إيد
الحيرانين
طب قولي بس
بذمتك؟
مش فيكِ ناس
دايبين حنين؟
مش فيك ذكرى
الهيمانين
وحياة باكوس
والمنتزة
وجليم كمان
وراس التين
والشاطبي و أهله
باعزهم
وابو قير وناسه
الطيبين
والمكتبة
والقلعة ياه
كلك كده
ينبوع حياة
لو كان بإيدي
استوطنك
واحضن شطوطك
واسكنك
يا بنت مصر
الطيبة
يا وشم على
صدر السنين.
تحياتي لأهلك يا عروس البحر.
.
التعليقات مغلقة.