عشاق كدابين بقلم الشاعر/ أشرف الشناوي
حبيت اكتب في الغرام
لقيتني رايح بالكلام
عند غزه باقول سلام
لقيتني باوصف
وف جمالها وف دلالها
لقيتني باكتب وف قصيده
عن عيونها المجروحين
والكلام جنب البطوله
مايساويش دمعة حنين
لسه ايه ماتقلش ينفع
كل لقطه نشوفها توجع
امتي بس ياغزه نرجع
للغناوي مشتاقين
امتي ترجع الابتسامه
والبيوت ترجع ملانه
بالحمام والطيبين
امتي بس نصلي فيها
لما يبقي الأقصى لينا
لينا بس المسلمين
كل يوم تدفع في مهره
من عيالها الميتين
كل يوم الجرح يوسع
والعرب متكتفين
لسه غزه بنت عايقه
والكلاب متجمعين
كل باب مفتوح
بيدخل منه ديب
م السعرانيين
غزه توبها عاد نسايل
دمها عالارض سايل
وسط عشاق كدابين
غزه نامت فوق جراحها
لما نسيت لون فرحها
الكل باعها
جوا سوق النخاسين
بكره يطلع من عرقها
من وجعها
فهد يحمي في العرين
بكره ترجع تاني غزه
بالحمام والمداحين
بكره ترجع زي ماهي
ست ست الطيبين
والطاحونه يدور عجلها
ربك الواحد معين ………..
التعليقات مغلقة.