عشان خاطرِك بقلم حسن أبو عرب
جبال الصبر شَايلِنهَا
وفقر وجُوع محَاوطِينهَا
أنا عاذرِك !!
عشان عاشقِك!!
يامُوت سرطَانُه بِيطوينَا
ومستوطَن هنا بِينا وِوِسطِينَا
ليه أكل الذئب أغنامنا
ونِشفِت كل مراعِينا
ياريح الغدر والقوه
ونَوَّه بتيجِى وَرَا نَوَّه
غلابه لاحول ولاقوه
ولا شكينا ولا لقِينا
لبر أمان ينجِينا
وِكَسَرُوا كل مجادِفنَا
وخَابِت كل مساعِينَا
رياح الظلم بتحاصرِك
ومُوجهَا العالى دار بينَا
وتاهِت كل خطاوينا
ياناعسه كفايه من فضلك
بقيت أيوب عشان خاطرِك
وانا الساير على دربك
راح افديكى واكون ضَهرك
واصُون عرضِك
وروحى تكون فِدَا روحِك
واقَدمهَا تكون مَهرِك
تقومى عَفِيَّه من مرضك
تعُود الشمس فوق قَصرِك
وتِرسِم ضحكه على ثغرِك
سنابل قمح لُون نَصرِك
تِوَاتِينَا
عطايا المولى تِكفِينَا
تفِيض بالخير كما نَهرِك
التعليقات مغلقة.