عشرة سنين … شعر أشرف الشناوي شاعر عامية البرامون -المنصورة
ياقلوب عفيه بظلمها
نسيت قلوب من غدرها
داست علي عشرة سنين
زرعت وجع شقت جراح
ولا همها. كل. اللي راح
قفلت بيبانها وقلبها
نسيت اوام مين حبها
مشيت طريقها لوحدها
باعت كتير من غير تمن
ولا همهاش غدر الزمن
قلبت ميزانها ووشها
باعت سنينها وعمرها
للي ضحك او غشها
ياقلوب عفيه. بظلمها
فيه ناس كتير من ظلمها
فضلت تخبي في عمرها
وتداري عالناس غدرها
ربك كشفها وذلها
والكل شاف كدا وشها
صبحت مثل بين البشر
دي قلوبها اجمد م الحجر
والغل فيها عاالبيبان
والنار بتحرق. أرضها
ماهي ناسيه حتى ربها
لما العمى. ملي قلبها
حرقت قلوب الطيبين
ولا همها لون دمعها
ياقلوب عفيه. بظلمها
بكره اكيد اللي انظلم
حقه هيرجع لو عدم
واللي ظلم
عاالظلم لازم يتفطم
ويدوق مرارته ويحسها
ياقلوب عفيه بظلمها………
اللوحه للشاعر والفنان المصري. السيد فتحي
التعليقات مغلقة.