عصر التكنولوجيا …بقلم سولافا بسيوني -مصر.
عايشين في عصر
التكنولوچيا
وعالم الفضائيات.
العالم كله إتغير
بقى قرية من
مجموعة قارات.
ذي ماليها
إيجابيات ليها
سلبيات.
حياتنا إتبدلت
بقت أجهزة
وريموتات.
أخلاقنا
بنكتسبها
من على
الشاشات.
مفيش حوار
واللمة كانت
من زمن فات.
بتتحكم فينا
وبتحول حياتنا
ألات.
ما عاد عندنا
صلة رحم إلا
في المناسبات.
ولا بيت مفتوح
نلقاه يكرمنا
في الزيارات.
تقاليد من زمان
ماتت والله
يرحم العادات.
حتي سطوح
بيوتنا بقت
أطباق ودشات.
بدل ما كانت
زمان أحواض
ورد وروفات.
وياريت بنستفيد
منها في إيجابيات.
أدرس واتعلم
وأبحث وأعلي
في الشهادات.
لحظات ضايعة
وفراغ قاتل
بيسرق الأوقات.
ويقولوا السما
مفتوحة كلها
برمجيات.
ياريتها ما
إتفتحت ما
نبنا إلا
الشتات.
طول اليوم
أخبار من النيل
لحد الفرات.
نصحى بخبر
حلو وبخبر
وحش بنبات.
اليوم بيجري
منا ولا ندري
باللحظات.
هي دي
التكنولوچيا يا
ريتها ما جات.
بدلتنا وغيرتنا
وفرقت الإخوات.
بقت الأله
أقرب لينا
والحوار ما
بينا مات.
لازم نرجع
تاني ونقلل
م السلبيات.
ترجع تاني
لينا قيمنا
وتقاليدنا
والعادات.
التعليقات مغلقة.