عضو إتحاد كتاب …بقلم خون أنوب الجديد معوض حلمي منشأة بطاش .. تمي الأمديد .. دقهلية
عضو إتحاد كتاب …بقلم خون أنوب الجديد معوض حلمي منشأة بطاش .. تمي الأمديد .. دقهلية
وانا مسافر على البندر
ف ندوه ليا فيها اصحاب
وانا واقف على الموقف
وبنت ماشيه ع الكورنيش
بتتمايل كعود لبلاب
عدت عادي
ورجعت تاني تسألني
منين الأخ
وليه شايل فإيدي كتاب ..؟
قولت لها أنا فلاح وجاي م الريف
ونقبي فصيح وعضو إتحاد كتاب
بصت لي وباستغراب
وضحكت ضحكه مش هيه
وقالت لي عضو إتحاد كتاب
ولابس كاب وجلابيه
وجاي م الريف ورايح فين
قولت لها
رايح ندوه أدبيه
أنا شاعر وليا تمن دواوين
وعندي بطاقة التموين
بتشهد لي بإني يادوب
باجيب اللقمه بالعافيه
وبالكافيه وشق التوب
ماليش ف الفسحه والدبدوب
ولا باتمشى ع الكورنيش
أنا بالزق قادر أعيش
وباكل لقمتي لو حاف
وباعشق ضلة الصفصاف
وليـا بنـــــت دكتــــوره
وحابكه الشقه ع القوره
وبتيجي زيي ع البـــندر
وانا ع العـــــفه ربيــتها
وعارفــــه أصــل ربتـها
ولا ف بيتها الهمم سابت
وعندي برضه واد ظابط
مرابط ع الحدود بروحين
وجاب لي م الولاد حفيدين
دفاهم ف الحشا ممدود
وعندي أخر العنـــــقود
وواخده شهاده جامعيه
لكن ف الغربه ومسافره
وسايبه جوا روحي وعود
قالت لي شكل غناويكم
بتشبه شــكل غنـاوينا
وبترقصوا كيكي زيينا
وعندكوا أوكا أو وبيكا
وعندكوا فيفي أو دينا ..؟
قولت لها لأ ياست الكل
غناوينا ع الأصول والشرع
بتحــــيي روح حوارينا
ماهيش للرقص والتنطيط
بتبني لعمار البيت ومد الفرع
واخدينها من سواقي الغيط
بتعبي المراوي حنين وتسقي الزرع
بتعبي المراوي حنين وتسقي الزرع
التعليقات مغلقة.