عقلي خلاص هيجن شعر . الفنان. رزق جادو
عقلي خلاص هيجن
عفاريت يا عم وجن
أنا لو في وسط ديابة
كانت الديابة تحن
شقيان ونفسي أكن
بطل يا عم تزن
فين البشر ياناس
ولا القلوب ماتت
والحب والإخلاص
كانوا في سنين فاتت
شقيان ونفسي أكن
بطل يا عم تزن
أرجوز بقلب إزاز
مسنود على عكاز
عندي ولادي عزاز
تعبان وماشي أئن
شقيان ونفسي أكن
بطل ياعم تزن
عقلي خلاص هيجن
عفاريت يا عم وجن
أنا لو في وسط ديابة
كانت الديابة تحن
شقيان ونفسي أكن
بطل يا عم تزن
قلبي يا ناس مكسور
وبضحك الجمهور
تفوت سنين وشهور
وأقول هايجي الدور
أعيش وأكون مجبور
شقيان ونفسي أكن
بطل ياعم تزن
عمري قنوع وصبور
منايا أعيش مستور
من غير ماألف وأدور
من غير ماكون مكسور
شقيان ونفسي أكن
بطل يا عم تزن
عقلي خلاص هيجن
عفاريت يا عم وجن
أنا لو في وسط ديابة
كانت الديابة تحن
شقيان ونفسي أكن
بطل يا عم تزن
كلمات الشاعر الفنان رزق جادو
من مصر ..
التعليقات مغلقة.