علاقة عصير البرتقال بالإنسان
قلم/ أسـمـاء الـبـيـطـار
رجعنا تاني للعناوين الغريبة !!
لا مش غريبة و لا حاجة نمشي مع بعض واحدة واحدة و العنوان أبسط مما تتخيلوا .
أكيد كلنا جربنا عصير البرتقال ، و الليمون في البيت عادي جداً نضغط على البرتقالة أو الليمونة فبناخد أطيب ما فيها .
لكن .. جربت تغضط عليهم أكتر من اللازم .
أكتر من الحد المطلوب ، بأي حجه كانت بقى .
أكيد اتأكدت إنك مش هتاخد منها غير .. مراااار
طعم مر جداً و صعب جداً جداً ،، دا غير اللون اللي بتتركه على إيدك
أهي البرتقالة اللي بتاخد أطيب ما فيها دي بشبهها ديماً بالإنسان الطيب ، الكريم ، اللي بيستحملك ، و بيستحمل أفعال كتير ما حدش يقدر يتحملها إلا فعلاً إنسان طيب القلب و الروح .
لـكن .. و نحط تحت لكن دي مية خط .
مش معنى إن الواحد كان بيقول حاااااضر و نعم و ما زال .
إنه معدوم الشخصية و ما لوش رأي !!
و إنه ما يقدرش يدافع عن حقوقه
و اصغرها قبل اكبرها .
ابدا و الله كل الحكاية إنه إتربي صح ، إتربي إنه يبقى صبور ، حمول
يطول باله شويتين .
لكن حقيقي و بدون مبالغة، وقت الجد ، ووقت نفاذ الصبر ، و إنك تتعدى حدودك معاه .
هتلاقي شخص تاني خالص تعرفوا بقى ما تعرفوش دي
مشكلتك انت .
لأنك ما قدرتش الناس صح .
ما احترمتش عقول غيرك ، و مساحتهم الشخصية ، و طيبتهم معاك بدل المرة اتنين و تلاته .
علي اساس انهم بني آدمين مثلاً ، ما زالوا يحملوا صفة البشرية .
الحدود في المُعاملات حتى مع الطيبين ، و مع اقرب الناس ليك رااااحة .
و مش عوزه أقول : اللي يتخطى حدوده الغي وجوده .
لإن في حقيقي ناس دي طريقتها .
على أد طيبتها و صبرها على أد لما بتاخد موقف بتلاقيك قدام بني آدم تاني خالص يمكن ما تعرفوش .
الحق ما يزعلش و البنى آدم الطيب مش معنى إنه حمول .
إنه يتحمل ضغط فوق طاقته تحت أي سبب .
الخلاصة ..
ما حدش بيغير صفاته بين يوم و ليلة .
أفعالك هي اللي بتغيير الوضع فقط لا غير .
بتغيير المعاملة ، إلى المعاملة بالمثل ” و ما أجملها حقيقي ”
إن كانت من البداية .
حقيقي هتوفروا على نفسكم كتير جداً جداً .
التعليقات مغلقة.