علشان ما نرجعش نشتكي
بـ قلم
أسـمـاء الـبـيـطـار
كتير من الأمهات بتحفز ولادها بالمادة و دا اكبر غلط و مش هتعرفي تتعاملي معاه غير بالقرش بعد كده للأسف
ما فيش حاجة اسمها انزل هاتلي كيس ملح و خُد جنية
روح هات لاخوك و له اختك حاجة و خُد خمسة جنية
لما تنجح هتاخد هدية نجاحك 100 جنية
عفواً بتربي فيه المادية و الطمع من صُغره يمكن بدون قصد بس النتيجة سلبيه
و هيعاملك بعد كده بطول المشوار
هيروح يجيب لكِ حاجة و هيتعمد يسيب الباقي معاه
لما تحتاجي حاجة ضروري هيقولك هتديني كام
مش هيأدي اي خدمة لحد بدون مُقابل
و ما تستغربيش بعد كده لما تلاقيه بيلاعب اصحابه أو اخواته ابسط الألعاب على فلوس
و بعد كده يقعد على كافيه و اللعب على المشاريب و بعدين نلاقيه بيلعب قُمار صراحة
لما يكبر و يشتغل و يمد ايده للرشوي
لما يشوف حد محتاج مساعدة و يقف سلبي ما بيعملش حاجة علشان مفيش مقابل
للأسف هيطلع فاقد الإنسانية و إنه بيعمل حاجة ليها قدر و ثواب
و بينزل يجيب لكِ طلباتك من باب البر و المساعدة و بينجح علشان يبني مستقبله و يبقى إنسان ليه قيمة في المجتمع
صدقيني حاجات بسيطة بتبنيها في الطفل بس بتفرق في المجتمع
فحطي الأساس صح علشان منظلمش مجتمع بحاله
و نرجع نشتكي الحال
التعليقات مغلقة.