على بابك يا ست الحسن … بقلم كمال عبد العزيز
على بابك.ياست الحسن من يومك
ومن يومك وكل الدنيا بصه لك
وعينها عليكي قصداكي.وجيالك
ووقفه لك مع الواقفين على بابك
وع الجانبين
محوطاكي. صفوف .وصفوف
وده مخاوي.وده بيلعب على المكشوف
وده حارن.. ولا بيسمع. .ولابيشوف
وصف اتشاف.بخلف خلاف على شمالك وبيناكف …وكان ده. صف. عزالك
وصف اصطف.وكتف.كتاف على يمينك
علي دينك على شرع. اللى. حابينك
كما المنصوص
ومتوثق. عليه بنصوص
في.كود مخصوص
وده حافظينه في كتابك
ولو كان فيه على الهامش.
خسيس. ورخيص
في قلب المتن مطلوبك وطلابك
وتبقي انتي مع الغاليين من ناسك
وعشاقك ياست الحسن. حراسك
وتبقي انتي ويبقالك. اعز الناس
بشوق فارس.وناي عاشق.وندهة فاس
خلاصة العشق موهوبه. لاحبابك
واول فجر. للدنيا. على. بابك
على بابك.ياست الحسن من يومك
بشمس بهاكي وبقمرك…وبنجومك
بيوم عشمان
فيوم فرحان..على ضفافك
بشوق للضي فى عيونك يشيل عنك
حمول.وحمول وليل بيطول على كتافك
باه. موال. بيتعافي. على همومك
ومن يومك ياست الحسن من يومك
بمحفوظك وتوفيقك. وطه حسين
بسيف وانلي وادريسك. عم. جاهين
وبزويلك وبالمازني. وبالعقاد
وباحمد شوقي وبحافظ. فؤاد حداد
بدرويشك. ووهابك. وكلثومك
ومن يومك ياست الحسن من يومك
بايد ممدوده من نيلك وبتسلم
على نهارك وفلاحك على غيطانك
بكلمه حروفها ايامك واهرامك
بموالك وطعم الحضن.في كلامك
خلاصة الناس يابنت الايه فى انسانك
وفجر الدنيا. من يومه. ومن. يومك
ياست الحسن بيشقشق مع قدومك
يابنت الايه ياواحشاني وانا جنبك
وكل مافيا يهواكي..وبيحبك
وف يمينك مع الواقفين. علي بابك
التعليقات مغلقة.