على قدك وعيش …
بقلم صلاح شعبان الفيداوي
=== على قدك وعيش ===
أوعاك في يوم
الدنيا تديها الأمان
الدنيا دواره …
وغداره ….
وف لحظه تغدر بيك
زى ما يكون
بحر هادي
وف لحظه يثور عليك
بحبة رياح
ويزيد ف الهيجان
ويجرفك موجه
وتبقى فيه غرقان
احرص من الدنيا
ما أنت فيها ضعيف
ومين أضعف
من الإنسان
معاك اعمل حسابك
ليوم مفهوش ….
وبالقليل احمد
ربنا وعيش
على قد ما تقدر تعيش
وعمرك في يوم
ما تستقلش قليل
ولا تستكتر كتير
الأيام أكتر بكتير
وبلاش تبذير
لتكون شقيق للشيطان
بقلمي
صلاح شعبان الفيداوي
القاهرة
٨/٨/٢٠٢٢
التعليقات مغلقة.