“على كفي” بقلم الشاعر /محمد الشناوى الشييوي
على كفى كلام بإسمك
لا عارف جنسه ولالونه
ومين قاله ومين خطه
وليه فات الهوي شطه
وليه بيخص واحه كفي
من دوني
أنا روحي في عرجوني
في يم الشارع القبلي
على شمال قلب دقاته
شعاع من نور
وكأس بلور
حاولت اشم أنفاسه
فمعرفنيش
فقلت اكيد يكون ناسي
شفايفه يدوب على مقاسي
في قلبه كلمه مراسيها
وتشبهها حروف الكف
وبتشاور وتضحكلي
فكيف عرفتني من قبلي
فتحت الباب اهنيها
مردتشي
وليه حبل الوصال فيها
مبيدوبشي
فقالت قبل ماتمشي
هتاخد عهد ويايا
وتحلف إنك تصوني
ولو بالحسن تتشكل
وروح العهد َماتخني
هتفضل بصمتي في كفك
محال الايام هتمحيها
وتلمح في حواشيها
حاجات منك
صحيح يمكن يكون سنك
ميعرفش قول البردي
ولاعمره ولا عمري
ولكن سلوتي في قدري
أفك هجاء كتير زيك
وأفطمهم على رقص
الندي والشوق
وأهديلك يمامه بطوق
وجسر ليمون على قدك
وشامه فتها في خدك
تملي تزكرك بيا
أنا في كل العصور شعرا
وصدق القول لأنبيا
أنا ستك وتاج راسك
وحرفي ضي نبراسك
أنا انته انا امك انا بنتك
أنا اصلي الرفيق في الَمهد
وهبقي معاك ونيس اللحد
أنا ست اللغات في الكون
جينات الأصل شرقيه
أنا رحله عزاب بإسمك
أنا سعدك انا زنبك
أنا تاجك في راس حيك
أنالغتك وعربيه
التعليقات مغلقة.