على كيفك بقلم اشرف الشناوى شاعر عاميه البرامون
لون كل الفراغات
وأعمل من وجعك
ناى
واعزف دندن
يمكن
تلقى فى روحك
حبة ورد
شخبط
على وش الليل
وارسم كام
شجره
عالباب المقفول
وابدر فى براحك
نور
ماتبصش لعلو
السور
وأفرد جناحاتك
واتشعبط
فى احبال الضى
حاول تفضل
حى
وأحلم على قد
ماتقدر
حلمك لو تبت
فى الأرض هايكبر
واغسل بدموعك
روحك
واوعى تسلم
لجروحك
وأحسب دايما
خطاويك
لو مره وقعت
اصلب طولك من
تانى
لو مره لمحت
الخوف جواك
ارميه
فى ثوانى
اوعاك مره تسلم
احلامك
وان جات الدنيا
عليك
اعلن عصيانك
ماتسيبش مكانك
لون صبحك
على كيفك
وان زاد البحر
وغطا الشط
اتعلم أمتى يكون
النط
وان بكره ماجاش
او باش
اضحك
من قبل ماتلمح
روحك
طالعه معاش
او تفضل احلامك
محتاجه عنايه
او نايمه
فى أوضة انعاش
……………….
التعليقات مغلقة.