عليا السخام بقلم.. وحيد علي الجمال
يمين السنادي بينهي الكلام
ومين في الزمان ده
هيقدر يقول عليا الطلاق
طلاق فوق طلاقك
ماحد هيسمع لصوتك كلام
ماعدلكش لازمه
وجودك كعدمه أقل احتمال
هتغسل وتكنس وتمسح رخام
وتعقد تفلي كمان العيال
ويمكن هتحمل وتولد وتسهر
تذاكر وتشرح في كيميا وماس
ماهو انت وجودك ضروري وأساس
تريح وتبسط مزاج المدام
واوعى لتجرح مشاعر جنابها
وممنوع في شغلك ترد السلام
على اي واحده خصوصى الجُمال
ولو حتى كانت زميلتك في شغلك
ولو حتي كانوا بنات الجيران
حتى لو اختك دي فيها كلام
جميع المشايخ في هذا الزمان
قلوبهم جميله وفيها حنان
وقالو سعادتك بكل احترام
ماتجبرشي زوجتك تحضر طعام
مهوش شرط لازم في عقد الزواج
ولو مرة تعبت وسابت عيالك
تواء واء وتصرخ وهي تنام
فلازم تدبر توفر لمرضع
والا هتقلب حياتك ظلام
زواجنا دا شركة ورحمه ووداد
قبلت التنازل لعصمة جنابك
وانا بعد إذنك معايا اللجام
وعندي نصيحة لسِت البنات
ومين بس جابرك تغامري براحتك
تهيني كرامتك وتأذي في نفسك
ومين بس يرضي تضحي بعيشتك
أميرة في أهلك ابوكي اللي ساترك
وترضي تعيشي في ذُل الرجال
وحوش الخليقه وكائن هلامي
ونمرود وجنسُه بيحوي اللئام
دي لازم وحتما ورابطه حلال
عمود الإنارة بداية العذاب
وم الصبح بدري يشوف لون هباب
تجيب له حماته معها حماه
وفي الليل هتطفي سيجارة في قفاه
دا لازم نربى بحق وحقيق
فيعرف يبطل في قلبك يحب
ويحلم بساعة تمام الجواز
التعليقات مغلقة.