علي باب رمضان أغنيه جديده كلمات : أشرف يوسف
علي باب رمضان كلنا
واقفين
و بندعي يارب يعود لينا
نتهني معاه من بعد الشوق
و نعيشه بفرحة ليالينا
يا صيام يا قيام يا فطور
يا سحور
يا آذان قرآن والطبله تدور
والمدفع يضرب والمغرب
تجمعنا السفره داير مايدور
و إذاعه تجيب الطبلاوي
و إذاعه تجيب المنشاوي
و الحصري و غلوش و البنا
و وراهم يجي الشعراوي
قرآن تسابيح ويا ابتهالات
و ساعات الذكر دي أحلي
ساعات
و الطاعه بنستمتع بيها
ياسلام لو نختمها بدعوات
ويجينا الليل ويا التفاريح
يجمعنا في صلاة التراويح
وف كل صلاه بنصليها
نختم بدعائنا و بالتسابيح
نختم بدعائنا
وبالتسابيح
الخميس بتاريخ ٢٠٢٢/٣/١٧م
بقلم الشاعر : أشرف يوسف
من ديوان : شاعر و مشاعر
التعليقات مغلقة.