(على باب مصر)
بقلم/سولافا بسيوني.
أنا واقفة
على باب مصر
مستنيه الدخول.
كل مافيها مغري
بيحسسني بفضول.
وكتير أنا بتشوق
بالي كمان مشغول.
أجي ع الباب
وأخبط ألقى
السبيل مقفول.
عشقاها أنا من
صغري مهما
أعبر وأقول.
ولما أبدأ كلامي
الشرح فيها
يطول.
على باب مصر
منقوش في
قلبه تاريخ.
له لسه نبض
لصبي دقاته
يوم ما تشيخ.
وجبينه للسما
عالي معروف
وبالتواريخ.
دي الأرض مهما
ان عاشت ما
تلقى يوم في
شموخها لو
توصل المريخ.
على باب مصر
كتبت كتير
حروف وكلام.
ماهي نبض
القلم ووصفي
في الأحلام.
بتمنى أشوفها
عروسة لأخر
الأيام .
تكبرقدام
عينيا وتزيد
سحر وهيام.
على باب مصر
قنديل ومتعلق
نور دروب الأمل
وبحلمنا محلق.
وبكره يبقى
حقيقة بإيدينا
تتحقق والشهد
من مرها طعمه
مايتصدق.
على باب مصر
شوفت كتير م
العظمة قواني.
جمالها ماله
مثيل تعشقها
في ثواني.
ترجع لها ملهوف
لطلة على نيلها.
ما اللي بناها
كان في الأصل
حلواني.
التعليقات مغلقة.