علي رف سنين…بيت هوڤن أحمد زيدان
بيت هوفن خالي من السكان
مع أنه بيسكن إحساسنا
علشان ما حياتنا علي النوتة
توته يا توته
انا لسه مفارق بنوته
وفي لحظه اتغير إحساسنا
العزف تملي علي الاوجاع
بيكون اجمل
القعده في داخل بيت هوفن
اصدق بكتير م تنافق ناس
و القعده في وسط البني ادمين
ديما بتقلب سيرة ناس
وانا بعشق قاعدة بيت هوفن
احساس ب يسيطر علي احساس
مش كل الوحده تملي هروب
كداب من قال الناس لل ناس
القصه قصيرة لحلم طويل
و الليل موال علي حد جميل
انا بهرب خارج سور مهجور
خوفا علي نفسي لابات محروم
مش كل الوحده تملي هروب
انا خايف بس من المكتوب
خايف أتلوث من غيري
و بخاف اتغير علي غيري
و الحلو تملي يميل بخته
و الحظ بخيل و عنيد جدا
و السهره بدون احساس وحشه
و مازال الفكر اللي مسيطر
و كأن البال ساحة ثوار
و هتاف و شعار
ممنوع النوم
سجانگ فكرگ ليل و نهار
و بيجلد فكرك ب تأني
وتمرد عن لحظة راحه
وكأن البال لازمه جراحه
بيت هوفق عامر بجراحنا
هو بيعزف واحنا سامحنا
علي عزف بيانوا بيسألني
جربت القهوه علي القرفه ؟
احساس القط و خناقه ؟
المكس الدايب في مخده …
جربت في يوم حرب الغيره ؟
بروفايل الفيس المتراقب …
زنقة اتوبيس الكليه …
وانت حاضنها …
خوفا من لمسة عزالگ …
جربت السهره بهاندفري
تعزمها علي حفلة سينما
تمسك في أيديها و تتمشوا
و صوابعك بتقول وحشاني
و النسمه تعدي عليك موال
تتكلم هي و مكسوفه
اشارات بعيونك تفهمها
اطمن ديما بقيالگ
جربت السهرة في بيت هوفن
وانت لوحدك علي ذكرى وحيده ب تبقالگ
شايل بختك علي رف سنين
بتوانس فكرك بالماضي
ديما بتكون المتنازل
طالع نازل
على فين رايح ماانتاش عارف
فارق مع غيرگ أو لأه
حرب المشوار اللي مشيته من غير سكه
وانت بتعشق صوت اللحظات
خلاط ذكرى و العمر اهوه فات
بيت هوفن خالي من الكلمات
و كلامك فيه تمهيد ل سُكات
التعليقات مغلقة.