عمر وراح.. بقلم ..شيماء عادل
لحظة ما عيونك فارقتني
ما أنا ياما بكيت
وطلبت اكون وياك
ولاخر ايامنا
بس أنت رفضت
الحب يعيش
ورضيت بفراقنا
واوجاعنا
أنا كنت حبيبة
وكنت الام
أنا كنت معاك
وكتير بهتم
لكن فضلت نعيش
مجاريح
وياخدنا العمر لوسط
الريح
وادي الايام عدت ثانيه
طب ليه بتداري
الشوق جواك
وتعاند قلبك وعيونك
أنت إللي أنا قلبي
يموت وفداك
وهحبك طول عمري
واصونك
وان شافت عيني كتير
بعدك
هفضل عشقاك
ماهو مين غير قلبك
يحميني
أنت إللي تحافظ
علي قلبي
أنت إللي تصوني
يا نور عيني
تتبدل ايامنا بتوهة
وان عشنا العمر بنداري
ونبين ضحكة بتخفي الام
هيعيش جوه عيونا ملامة
وهنسرق لحظة من الايام
نتعاتب فيها علي الاوجاع
تحضني عيونك م الفرحة
اداري بخوف من نظراتك
تملي عيوني بتفضحني
واتنين مساكين
نظراتهم ف القلب بترشق
والكل يقولوا أننا مجانين
بتأسفلك علي عمر وراح
علي قلب اتعشم بالافراح
والاخر مالقاش ف الدنيا
غير قسوة وظلم
وسنين ف جراح
التعليقات مغلقة.