عم حسن بقلم : الشاعر فهمى محمود حجازى
عم حسن تفاحة اسم علم وشهير
حارب فى اليمن الحر
وكمان سبعة وستين
وف اكتوبر جاب النصر
السعد ووش الخير
معروف دايما بصلاته
وكريم مع إنه فقير
ربى ولاده بصراحة..
ع الصدق وحب الخير
عمره ماعودهم لحظه
يبصوا ف ايد الغير
حافظ القرآن من صغره
وبينطقه بالتفسير
والكل شهد بأمانته..
ونزاهة بكل ضمير
وولاده شايلينه على راسهم
عارفين معنى التقدير
مهو ياما كافح على شانهم
كان بتعب ويأكلهم..
مالقيتش لتعبه نظير
بيكافح ويريحهم..
وتشوفوا تقول د أمير
العزة ملكة ف نفسه..
للطيبة تقول دا سفير
والضحكة زاينة شفايفه..
دايما بيحب الغير
وهزاره سابق جده..
بيخاف ع الكل كتير
حازم فى البيت مع ضحكه..
وحنانه زي هدير
ينبوعه طيبة قلبه..
مافهاش ذرة تعكير
وتلاقي الكل حبايبه..
صغير ويا كبير
عاملينه المثل الأعلى..
فارشنله الأرض حرير
ولما تعب كان مرضه..
محتاج للصبر كتير
وعشانه قريب من ربه..
كان صبره مالهش نظير
عم حسن مع عيلته
شجرة وطرحها بالخير
دايما نتعلم منها..
الأب د قلبه كبير
التعليقات مغلقة.