عم شمندى
محمود أبو راشد
عم شمندي ساكن عندي
فنفس البيت
تسمع صوت تليفونه في بيتي
لو رنيت
عم شمندي راجل مش عادي
عمره ميقعد ابدا فاضي
اوعي تقلي دا راجل هادي؟
منتش سامعه لما ينادي
يخلي حيطان البيت تتهز
ناس بتزوره زي الرز
واحد نازل واحد طالع
راجل عشري وناقصه الحظ
…………………………………..
عم شمندي قبلني في يوم
شكله كان صاحي من النوم
تقرا في عينه هموم وهموم
الف سلامه ياعم شمندي…
ياللي بسرعه نطلع عندي
نقعد نحكي لعنتر افندي
يسمع همك مهو من سنك
عشرت عمر بقالكوا سنين
كنت بشوفكوا كتير قعدين
………………………………
فجأة اتغير قال بعدين
مالك بس يا عم شمندي
امتي قلوبنا هتصفي لبعض
يلا هنقعد وهنتساير
متسبنيش كده اقعد حاير
مالك بس يا عم شمندي
قلبي وجعني عليك مش حالك
مالها الدنيا بس ومالك
كنت بشوش وبتضحك ديما
ليه الفرحه مش ديمالك
………………………………
بصلي بصه كبيره وقاللي
هو الوضع ده يبني يخلي
الفرحه تقرب وللا تعدي
دنيا اتغير حالها ف يوم
بدل الفرحه بقينا في هموم
حتي الصاحب مبقاش صاحب
حتي الحب صبح مسموم
………………………………..
اسمع يابني انته صغير
اياك اخلاقك تتغير
خلي لقلبك باب مفتوح
داوي بحبك اي جروح
بس بسرك اوعي تبوح
………………………….
فجأة لقيته وقع من طوله
واخر حاجه كانت من قوله
قولوا لعنتر افندي خلاص
ضاعت العشره والإخلاص
……………………….
مات ودفنه سره معاه
مات ومقلشي يا ولداه
علي اللي حصلوا في دنياه
وادي حكاية عم شمندي
…؟…؟…؟…؟…؟…؟…؟.
بقلم/ محمود ابوراشد
التعليقات مغلقة.