عود ابنك بـ قلم / حسن أبوعرب
احتِرِم يبنى وِلَادَك
زى م احتَرَمَك أبوك
خلى حُبك يبقى زادك
كُلُّهُم راح يِوصِلُوك
لو ما بيِنهُم يوم تِفَرَّق
بعد مُوتَك يلعنوك
عوِّد ابنَك يبقى راجل
وابقَى صَحبَك وأخوك
عوده دور العباده
وانُّه ما يكتِم شهاده
عملُه يتقن وبإجاده
وتبقى عاده
زى أهلك قبل مِنًُه
ما عودُوك
علمه يصفح يسامح
يبقى واضح للملامح
حتى إن كان مُهر جامح
علمه حُسن النوايا
عَلِّمُه حُسن السلوك!!
التعليقات مغلقة.