عيديتي… جيهان النجار
عيديتي
علشان عيونك
تنبسط
وتشوفني….
نور
وجناب خيالك توحشه
صلة الرحم
ف.يلم خلجات
الهوي….
ويشد روحه
من بلاد البرد
يمشي
لمهجتي….
علشان يزور
انا لما سيرتك
بس تلمس
وحدتي…..
بارجع اجيب
العمر
من أول شعور
وافتح دولاب الذكريات
والملم العمر
اللي فات
وارتاح على
رف الغزل
واتوه
مابين الصمت
ومابين السكات
افكاري …..
لما تلحقك
كل السنين الشايبة تتحول بنات
فساتيني….
يكبر وردها
وعيوني …..
ينشف دمعها
احساسي …..
يرجع يبقى
بكر
وروحي …….
تتكلم لغات
والعيد
بيجي…..
كل يوم…والفرحة تتحول غيوم
تنزل على الايام
مطر
يطرح سطور
من شعر
يخضر الغزل
والقلب يصرخ
لم أزل فيا حياه
وباحب جدا ربنا الفرح بيزيد
الإيمان
والحب
بيخلي …..
الوجع يدبل
ويتحول حنان
والموت بيرجع يختشي….
فالعمر يطمع
ف الزمان
العيد..؟
العيد عشانك
هو عيد
من غير عيونك
يلبس اسود
أو يزيد
العيد
حبيبي….
وطلته
والفرح دينه
وملته
وانت البشير
اللي
بيجي …..
معاه ربيع
وبيبعت
الطير للشجر
وبيبدر الشوق
للجميع
ارجع بقي مستنياك.
التعليقات مغلقة.