عيد ميلاد …شعر عامية من وحي الصورة بقلم أحمد فؤاد الهادي
هاعمل لنفسى عيد ميلاد
لافيه بنات
ولافيه شباب ولافيه ولاد
ولاشمس طالعة
ولاشمعة والعة
والدنيا ضايعة بين العباد
ــــــ
الكل غايب
ومافيش حبايب
اللى فات كأنه غلطة
والذكريات طلعت أونطة
والحزن غطا والهم زاد
ورغم ان مافيش بنات
ولافيه شباب ولافيه ولاد
هاسهر وأبكى بألف دمعة
وكل دمعة هاتطفى شمعة
واعمل لنفسى عيد ميلاد
التعليقات مغلقة.