عيون بهية بقلم محمد مكاوى
كل ثانيه و مصر بألف خير
عيون بهية
قاريتك قصيده
كتبها زمانى
حلمتك معانى
رسمتك صور
حلمتك آبية
قوية و عفية
رسمتك بهية
و ياسين ف السفر
ياسين جه ف اوانه
و راكب حصانه
عشانك عشانه
عشان البشر
حلمتك كبيره
رسمتك اميره
جحافل جيوشك
بتهزم تتر
لبستى دروعك
قصدتى ربوعك
عزفتى نشيد
الوغى ع الوتر
و خلفك امامك
يمينك شمالك
فيالق اعادى
تطول القمر
عيونك بتخدع
فوارس بتركع
رموشك بتدفع
سهامك مطر
دخلتى معارك
هزمتى ممالك
محيتى بسنابك
خيولك اثر
ربطتى وشاحك
يضمد جراحك
جراحك بتنزف
و ربك ستر
جمعتى حشودك
امرتى جنودك
حرقتى بقايا
عدو اندحر
حلمتك فظيعه
مناظر شنيعه
تحنن مشاعر
و لو من حجر
سنابل حقولك
بتطرح جماجم
ضحايا دماهم
بتروى الشجر
رسمتك عنيده
و فيكى شراسه
و رغم الشراسه
زمانى امر
هويتك بعمرى
يا اجمل صبية
يا عيون بهية
بقيتى القدر
…………………..
محمد مكاوى
التعليقات مغلقة.